Слон, шахматы

Слон, афіцэр (Unicode: ♗, ♝) — лёгкая шахматная фігура. Кожны з супернікаў пачынае гульню з дзвюма сланамі. Напачатку партыі сланы займаюць палі c1, f1 (белыя) і c8, f8 (чорныя сланы).

Змест

1 Хады слана
2 Слон у шахматнай партыі
3 Этымалогія
4 Зноскі
5 Спасылкі

Хады слана

Слон можа хадзіць на любую колькасць палёў па дыяганалі пры ўмове, што на яго шляху няма іншых фігур.

Кожны слон можа рухацца альбо толькі па белых, альбо толькі па чорных палёх, таму аднаго з сланоў называюць белапольным, іншага — чарнапольным. Ці, мяркуючы па пачатковай расстаноўцы, сланы могуць быць названыя адпаведна каралеўскім і ферзевым.

Слон у шахматнай партыі

Паколькі слану падуладная толькі палова палёў дошкі, ён слабейшы за ладдзю, якая можа хадзіць па ўсіх палях. Акрамя таго, на пустой дошцы пад ударам ладдзі заўжды знаходзіцца чатырнаццаць клетак, у той час як пад ударам слана — ад сямі да трынаццаці. Да таго ж адным сланом і каралём мат паставіць немагчыма.

Слон прыблізна эквівалентны каню альбо тром пешкам. Перавага каня ў тым, што ён можа скакаць праз іншыя фігуры. Аднак слон становіцца параўнальна мацнейшым у эндшпілі, калі атрымлівае больш вольнай прасторы для манеўраў.

Этымалогія

Адпаведная фігура па-арабску завецца аль-філь, з-за чаго ва Францыі пераўтварылася ў шута (фр.: fou), у Англіі, з-за падабенства з біскупскай мітрай — у біскупа (англ.: bishop), а ў Германіі перайменаваная ў бегуна (ням.: Läufer)[1].

Зноскі

↑ http://korneslov.ru/publ/28-1-0-70(руск.)

Спасылкі

На Вікісховішчы ёсць медыяфайлы па тэме Слон, шахматы
Piececlopedia: Слон (англ.)

Шахматныя фігуры

Кароль

Ферзь

Ладдзя

Слон

Конь

Пешка

Шаблон:Шахматы